Zvuči čudno, zar ne? Izgleda da je Valve konačno počeo da sluša svoju Dota 2 zajednicu (ili makar dio), pa smo tako, krajnje neočekivano, dobili novi patch! Patch 7.08 pod imenom “Spring Cleaning” iliti “Proljećno čišćenje” je implementiran unutar naše omiljene igre i donio je sijaset promjena.
Ne, ne, nije bilo onih ogromnih. Nije Abaddon dobio opciju da baci ulti na svog saveznika, niti Zevs može da se teleportuje na Nimbus. Ništa tako drastično. Ovaj se patch, naime, fokusirao na izmjene unutar UI (user interface).
Tako sada imamo opciju da konačno skinemo prašinu sa naših loading screen tapeta, vidimo da li neši saveznici imaju teleport u inventaru, i koliko je CD (cooldown) na njemu. Nema više postavljanja warda na fontani, jer wardove konačno možemo podijeliti dok smo u pre-game meniju. Nema više pinganja po vama i slušanja “GIFF 2 TANGOS CYKA” jer konačno možemo podijeliti tango sa našim core igračima. Mute dugme je dobilo još jači efekat, jer sada možete dobiti ban na čak 6 mjeseci iz ranked mečeva, ukoliko dobijete dovoljan broj prijava.
Aleluja! Čini se da Valve želi da vrati igru tamo gdje pripada – na vrh. A čini se da su na dobrom putu, s obzirom na broj pozitivnih komentara koji su uslijedili odmah nakon implementacije ovog patcha u igru.
Previše ste lijeni da čitate promjene na herojima? Bez brige, Valve se i za to pobrinuo. Svaka promjena se sada može pročitati unutar same igre, tokom pick faze i jedna je od opcija koja nam se mnogo dopala. Možda je ovo kraj svim onim iznenađenjima kada, u sred timske borbe, vaš saigrač ukapira da je njegova ključna magija promijenjena. Ukoliko među vama ima onih koji nijesu toliko lijeni da pročitaju šta je sve promjena bilo u ovih 500 MB-a patcha, pođite na sledeći link i provjerite sami.
Za sam kraj, Valve je napravio možda i najveću promjenu u pristupu samoj igri – igra če biti patchovana svakih 14 dana!
Iako to možda zvuči previše učestalo, vjerujemo da je ovo najefektivniji način da se stane na put dominaciji određenih heroja (primjer Meduze, Morphlinga, Lycana, Tuska…) i da se igra na najbrži mogući način izbalansira. Ukoliko je uopšte moguće. Nadamo se da će ovaj patch naići na jednako dobru prihvaćenost kao što je i kod nas i da ćemo se jednako dobro, ako ne i bolje, zabaviti igrajući Dotu. GL & HF!